Февралиин 9 – 10 – да Ивалгын дасанда «Эхэ хэлэн – манай баялиг» гэжэ мүрысөөндэ Барханай юрэнхы дунда һургуулиин арбан зургаан һурагша хабаадаба. Хоёр бүлгэм һурагшад эрхим һайн дүнгүүдые харуулаа.
Блиц – турнир, бэлигүүн толи, сэдэбтэ толи – оршуулга, уран бэлигтэй, ульгам хэлэтэй, уран гартан, модон дархан, уран баримал, хамба ламын шан абалгын тэмсээн гэһэн номинацинуудһаа бүридэһэн наадан, мүн эхэ хэлэн дээрээ мүрысэхэ арга шадал үхибүүдтэ байгаа.
Бархан нютагай эхэ хэлэнэй тобшо толи зохёоһон багшанарые нэрлэхэдэ болохо. Эхин ангинуудай багшанар Раднаева Вера Базаровна, Очирова Валентина Намуевна, Аюшиева Светлана Иннокентьевна, Бадмаева Оюна Доржиевна, ород хэлэ бэшэгэй ба уран зохёолой багша Жалсанова Цыпилма Ширеторовна, буряад хэлэ бэшэгэй ба уран зохёолой багша Цыренова Эржэн Очиржаповна. Энэ шатадаа бүлгэм бүхэн 10 баллда хүртөө.
Эрхим дүнгүүдые нэрлэбэл, сэдэбтэ толи – оршуулга, уран бэлигтэй, ульгам хэлэтэй номинацинуудта Бадмаева Наташа, Цыбикова Ирина, Эрдыниев Роман, Раднаева Сэсэгма 10 – 10 баллнуудые абажа илгараа. Аймпилова Алтана, Потрепалова Наташа уран гартанай багша Раднаева Вера Ринчиновнагай хүтэлбэри доро арһан бээлэй, дэгэл бэлдэжэ, һайн дүнгүүдые харуулаа. –Дарханай багша Будаев Баир Бадмаевич һурагшад Раднаев Пурбо ба Цыбиков Алдар хоёрые хүтэлбэрилжэ, ламын номой соглиг бүтээжэ, 7 – 7 баллда хүртөө.
Зурагууд дээрэ: мүрысөөндэ бэлдэжэ байһан үе.
Зураг дээрэ уран гартанай мүрысөөндэ Аймпилова Алтана, Потрепалова Наташа
Эхин ангиин һурагшад Раднаева Ирина ба Хабтагаева Дарима Нохой елээ угтуулһан нохойн дүрсэ хэжэ, арга шадал соогоо тулалдаа.
Бүхыдөө 60 команданууд хоорондохи урилдаанда 12 ба 14 һууринуудые хоер бүлгэм эзэлээ.
Энэ бүлгэмүүдые “Эхэ хэлэн – манай баялиг” мүрысөөндэ бэлдэһэн багшанар ехэ ажал хээ. Буряад хэлэ хүгжөөлгэ олон зоной һанаагаар байха ёһотой. Бүхы һурагшадые хүтэлбэрилжэ ошоһон багшанар Раднаева Вера Ринчиновна, Цыренова Эржэн Очиржаповна ба эхэ эсэгын түлөөлэгшэдэй зүгһөө хүүгэдэй саадай хүмүүжүүлэгшэ Хабтагаева Алла Эркетовна болоно.
Мүрысөөнэй харгымнай эбээн тэдхэгшэ Арадай Хуралай Депутат Гармаев Баир Базарович болоно.